काठमाडौं । चर्चित निर्देशक समिर जोशीको निर्देशनमा सत्यकथामा आधारित टेलिश्रृंखला मेरो एउटा प्रेमकथा निर्माण हुने भएको छ ।
जोशी हाल प्रशारणमा रहेको टेलिश्रृंखला– खै कुरा बुझेको ? तथा चम्सुरीसँग चिया गफका निर्देशक हुन् । उनकै निर्देशनमा सत्यकथामा आधारित टेलिश्रृंखला मेरो एउटा प्रेमकथा निर्माण हुने भएको हो । उक्त कथा (टेलिश्रृंखला) भने आमदर्शकले पठाएको आफ्नै प्रेमकथामा आधारित हुने निर्देशक जोशीले बताए । साथै टेलिश्रृंखलामा विभिन्न सेलेब्रेटी तथा अन्य चर्चित व्यक्तिहरुको प्रेमकथा समेत प्रस्तुत गरिनेछ ।
डीजी पेको प्रस्तुती, सानु मुभिज र विनभ क्रियसनद्वारा निर्माण हुने उक्त टेलिश्रृंखलाको छायांकन बिनोद श्रेष्ठले गर्नेछन् भने सुनिल श्रेष्ठले सम्पादन गर्नेछन् । टेलिशृंखलाको शिर्ष गित ज्योती खतिवडाको छ भने सुमन कपालीले संगीत दिनेछन् । नयाँ तथा पुराना कलाकारको जमघट हुने उक्त टेलिश्रृंखलाको प्रत्येक भागमा नयाँ कलाकारको अभिनय रहनेछ । टेलिश्रृंखला राष्ट्रिय टेलिभिजनबाट प्रसारण हुनेछ ।
आफ्नो प्रेमकथामा चलचित्र बनाउन चाहने आम दर्शकलाई binavcreations@gmail.com आफ्नो कथा मा पठाउन निर्माण संस्थाले आह्वान गरेको छ ।दर्शकले पठाएको कथा उत्कृष्ट अर्थात प्रशारणयोग्य भएमा उचित पारिश्रमिक समेत प्रदान गरिने निर्देशक जोशीले बताए ।
