जेठ ०३, गुल्मी– गुल्मी जिल्लाको कालिगण्डकी गाउँपालिकाको अध्यक्षमा नेपाली कांग्रेसका बेदबहादुर थापा ४ हजार ८१० मत ल्याएर विजयी भएका छन् । थापाका निकटतम प्रतिस्पर्धी नेकपा एमालेका रामजी ढकालले ४ हजार ६७७ मत ल्याए ।
यस्तै, उपाध्यक्षमा नेकपा एमालेकी मञ्जुकुमारी दर्लामी ४ हजार ४८४ मत ल्याएर विजयी भइन् । उपाध्यक्षका निकटतम प्रतिद्वन्द्वी राष्ट्रिय जनमोर्चाकी तारा थापाले ४ हजार ३८४ मत ल्याइन् ।
गाउँपालिकामा रहेका ७ वटा वडामध्ये ३ वटा वडामा नेकपा एमाले, ३ वटा कांग्रेस र एउटा वडामा राष्ट्रिय जनमोर्चाले जितेको छ ।
जिल्लाका १२ वटा स्थानीय तहमध्ये ११ वटा स्थानीय तहको मतगणना सकिएको छ ।
