गुल्मी – गुल्मी मुसिकोट नगरपालिकाका नव निर्वाचित नगरप्रमुख जिबन खरेलले नगरका नागकिहरुमा सधै खुसियाली छाउने गरी आफूले काम गर्ने प्रतिबद्धता ब्यक्त गरेका छन्। नवनिर्वाचित जनप्रतिनिधिहरुको शपथ ग्रहण कार्यक्रममा मयेर जीन खरेलले नगरभित्रका नागरिकहरुको मुहारमा सधै खुसीयाली छाउने गरी काम गर्ने र यसमा सबैको साथ आवश्यक रहेको बताएका छन् ।
नगरपालिकालाई समृद्ध बनाउनका लागि यहाँका सबै राजनीतिक दल लगायत सरोकारवालाहरुको साथ आवश्यक रहेकोउनले बताए । निर्वाचनको समयमा जुनसुकै राजनीतिक दलहरुबाट निर्वाचित भएपनि आफू मुसिकोट नगरपालिकाको साझा जनप्रतिनिधि भएको भन्दै राजनीतिको गन्ध नगरपालिकामा नआउने गरी आफूले कार्य सम्पादन गर्ने प्रतिबद्धता ब्यक्त गरे ।
