गुल्मी – गुल्मीमा गएराती आगोलागीमा परेर एक वृद्धले ज्यान गुमाएका छन् । जिल्लाको मदाने गाउँपालिका वडा नम्बर ०६ देउराली निवासी ८३ वार्षिय ज्ञानबहादुर जिसिको मृत्यु भएको जिल्ला प्रहरी कार्यालय गुल्मीले जनाएको छ ।
गएराती करिब १० बजे एक्कासी जिसिको घरमा अगलागी भएको र आगलागीबाट ढुगां माटोले बनेको घर जलेर पूर्ण रुपमा जलेर नष्ट भएको प्रहरी कार्यालय गुल्मीका प्रहरी निरीक्षक निरञ्जन घिमिरेले जानकारी दिए ।
मृतक जिसि घरमा एक्लै बस्दै आएका थिए । उनका २ छोरा रोजगारीको लागि देश बाहिर छन् ।मृतकको शबलाई पोष्टमार्टमका लागि गुल्मी अस्पताल ल्याइएको छ । आगलागी घटनाबारे थप अनुसन्धान भइरहेको जिल्ला प्रहरी कार्यालय गुल्मीले जनाएको छ ।आगो नियन्त्रणका लागि प्रहरी निरीक्षक सहितको १४ जनाको टोली घटना स्थल पुगेको थियो ।
