गुल्मी: लगातार तिन वर्ष जित हासिल गरि राष्ट्रपति रनिङ शिल्ड प्रतियोगिताको रनिङ शिल्ड गुल्मी मुसिकोटले हात पार्न सफल भएको छ ।
आ.व. २०७८/०७९, ०७९/०८० र २०८०/०८१ को राष्ट्रपति रनिङ शिल्ड प्रतियोगितामा लगातार उच्च अक हासिल गरि शिल्ड हात पार्न सफल भएको हो ।
यस वर्ष संचालित गुल्मी जिल्लाको १४औं राष्ट्रपती रनिङ शिल्ड प्रतियोगितामा १७ स्वर्ण, २० कास्य, २२ रजत सहित मुसिकोट नगरपालिका लगातार तेस्रो पटक प्रथम भै शिल्ड आफ्नो पक्षमा पार्न सफल भएको हो ।
यस अवसरमा मुसिकोट नगरपालिकाले खेलाडी र खेलाडी उत्पादन गर्ने विद्यालयलाई धन्यबाद समेत ब्यक्त गरेको छ भने खेलाडीलाई सम्मान गर्ने कार्यक्रम बनाईएको बताएको छ ।
