Author: छ्ड्के न्युज डट कम

पौष १३,काठमाडौं । नेकपा एकीकृत समाजवादी र नेकपा जनवादी पार्टीबीच एकता हुने भएको छ । मंगलबार मध्यान्ह साढे १२ बजे दुई पार्टीबीच एकताको घोषणा हुन लागेको हो । नेकपा एकीकृत समाजवादीले फेसबुक पेजमार्फत् दुई पार्टीबीच एकता हुन लागेको जानकारी दिएको हो । एकता घोषणा कार्यक्रम राष्ट्रिय सभागृह प्रदर्शनीमार्ग, भृकुटीमण्डपमा हुनेछ ।

पौष ०९, काठमाडौ : निर्वाचन आयोगले स्थानीय तहको निर्वाचन वैशाख १४ गते एकै पटक गर्न सरकारलाई सिफारिस गरेको छ ।प्रधानमन्त्री शेरबहादुर देउवासहित मन्त्रीहरूसँग शुक्रवार भएको छलफलमा आयोगका पदाधिकारीहरूले सबै स्थानीय तहको निर्वाचन १४ वैशाखमा एकै पटक गर्न प्रस्ताव गरेका छन् । खर्चमा मितव्ययितादेखि सुरक्षा र समग्र निर्वाचन व्यवस्थापनमा सहजता र मतदाता शिक्षा सामग्रीहरूमा एकरूपता हुनुका साथै एक ठाउँको निर्वाचन परिणामले अर्को ठाउँमा प्रभावित नपार्ने भएकाले एकै दिन एकै चरणमा निर्वाचन गर्नु उपयुक्त हुने प्रमुख निर्वाचन आयुक्त दिनेश थपलियाको भनाई थियो ।यदि एकै दिनमा निर्वाचन गर्न सम्भव नभए १४ र २२ वैशाखमा गर्न सकिने पनि आयोगले जनाएको छ ।स्थानीय तह निर्वाचन ऐन,…

पौष ११, काठमाडौँ  : अन्तरजातीय प्रेम सम्बन्धका कारण चन्द्रे कामी र सुन्तली मल्ल पक्षबिचको विवाद मिलेको छ । दुवैको उमेर नपुगेकाले विवाह गर्न कानुनी रूपमा उमेर नपुगुन्जेलसम्म आ–आफ्नो घरमा बस्ने र उमेर पुगेपछि केटा र केटीले चाहेमा राजीखुशी विवाह गर्ने सहमति  भएको छ  ।  चन्द्रे र सुन्तली दुवैको उमेर १९ वर्ष देखिएको छ । हुम्लाको सर्केगाड गाउँपालिका जैर नाताका चन्द्रे कामी र मुगुको सोरु गाउँपालिका लिप्रुगाउँकी सुन्तली मल्ल अब उमेर नपुगुञ्जेल आफ्नै घरमा बस्ने सहमति बनेको हो । कानुनबमोजिम उमेर नपुगेकाले विवाह गर्न नमिल्ने भएको छ । भागेर गएपछि चन्द्रे कामी र सुन्तली मल्लले विवाह दर्ता गर्न प्रयास गर्दा पनि…

काठमाडौं, पुस ९ । २०७२ सालको भूकम्पले क्षतिग्रस्त बनाएका भग्नावशेष पुनर्निर्माणको जिम्मेवारी पाएको राष्ट्रिय पुनर्निर्माण प्राधिकरणले औषत काम गरेर ६ वर्षे कार्यकाल सम्पन्न गरेको छ। प्राधिकरण शुक्रबारदेखि खारेज हुँदैछ। नेपालको भौतिक पूर्वाधार निर्माणको गति देखिरहेका आम नेपालीले पुनर्निर्माण पनि समयमा सम्पन्न हुने आशा गरेका थिएनन्। तर प्राधिकरणले आफूलाई दिएको ६ वर्षे कार्यकालमा औषतमा राम्रो नतिजा दिन सकेको छ। प्राधिकरणले पुनर्निर्माणको काममा ९० प्रतिशतभन्दा माथिकै प्रगति हासिल गरेको छ। केही दिनअघि आयोजित भूकम्प पुनर्निर्माणसम्बन्धी अन्तर्राष्ट्रिय सम्मेलनमा सहभागी विदेशी प्रतिनिधिले पनि नेपालको पुनर्निर्माणको कामलाई खुलेर प्रशंसा गरेका थिए। सरकारले भूकम्पबाट भत्केका संरचनाको पुनर्निर्माण पाँच वर्षभित्रै गर्ने भन्दै प्राधिकरणको स्थापना गरेको थियो। सुरुमा तोकिएको…

गुल्मी ०८ पौष  :   गुल्मीमा मोटरसाइकल दुर्घटनामा परी एक जनाको ज्यान गएको छ । बिहिबार साँझ ६ बजे बीरबास देखि भेडुवातर्फ जाँदै गरेको लु १७ प ६४५२ मोटरसाइकल आफै अनियन्त्रित भई दुर्घटना भएको थियो। दुर्घटना परी मोटरसाइकल चालक गुल्मीदरबार गाउँपालिका–४ बस्ने वर्ष ३० का पदम ढेगा मगर गम्भिर घाइते भएका थिए । उनको उनको उपचारका क्रममा पौने सात बजे श्रृङ्गा स्वास्थ्य चौकीमा मृत्यु भएको हो ।स्रोत :रेडियो रेसुङ्गा

पौष ०८,काठमाडौ : रंगकर्मीहरु माझ चिप्ल्याउने अंकलका नामले परिचित प्रकाश सुवेदी फेरी विवादमा परेका छन् । उनी विरुद्ध उजुरी परेको छ । उनले संचालन गर्ने कार्यक्रम रजतपटमा विभिन्न कलाकारहरुका बारेमा रिपोर्ट बन्ने गर्छ । सोही क्रममा आफ्ना बारेमा अनर्गल प्रचार गरेको भन्दै नेपाली चलचित्र क्षेत्रकी चर्चित अभिनेत्री वर्षा सिवाकोटीले रंगकर्मी पत्रकार प्रकाश सुवेदीविरुद्ध उजुरी दिएकी छन् । बर्षाले सुवेदीलाई कारबाही गर्नुपर्ने माग राख्दै प्रेस काउन्सिलमा निवेदन दिएकी हुन् । कार्यक्रम रजटपटमा आफ्नो व्यक्तिगत कुरा निकालेर घोचपेच गरेको भन्दै बर्षाले उनीमाथि उजुरी दिएकी हुन् । प्रकाश सुवेदी यस्तै कारणले बेला बेलामा समस्यामा पर्ने गरेका छन् । यस अघि नायीका पुजा शर्माको…

हुमाकान्त पोखरेल / पौष ०८ गुल्मी:गुल्मीको धुर्कोट गाउँपालिका–४ जैसीथोक लाहाटाका ३५ वर्षीया लुल्सिराम कुँवर सात वर्ष विदेश बसे । उनले काजकिस्तान दुवई लगायतका देशमा खाना बनाउने काम गरे । विदेशमा आम्दानी पनि राम्रै हुन्थ्यो तर चार वर्ष पहिले गाउँ आएका उनको मन फेरियो । यसपछि उनले घर नजिकै जग्गा किनेर व्यवसायिक गाईपालन सुरु गरे । धनञ्जय कृषि तथा पशुपंक्षी फार्ममार्फत चार वर्षअघि चार गाईबाट व्यवसाय सुरु गरेका उनका गोठमा अहिले १३ गाई छन् । तीमध्ये १० ठूला र तीनवटा साना छन् । त्योमध्ये पनि चार दुहुनु र तीन ब्याउने गाई छन् । उनले दुई जर्सी र ११ होलिस्टिन क्रस गाई…

अनिल खत्री/८ पुस, गुल्मी : नेपाल पंक्षी संरक्षण संघ गुल्मीले संरक्षीत वन क्षेत्रसँग जोडिएका स्थानीयवासीहरुलाई वन जंगलको संरक्षण र संवद्र्धनसँगै जीविकोपार्जनका लागि महत्वपूर्ण काम गर्दै आएको छ । रेसुङ्गा र मदाने वन क्षेत्रमा स्थानीयलाई बिभिन्न आयआर्जनका कामहरुमा लगाएर वन क्षेत्रलाई संरक्षण र संवद्धन गर्न महत्पूर्ण काम गर्दै आएको हो । गुल्मी जिल्लाको रेसुङ्गा र मदाने वन संरक्षण क्षेत्रमा पंक्षी संरक्षण संघले डिभिजन गुल्मीको सहकार्यमा दुर्लभ चराहरुको खोजीगरी वन क्षेत्रसँग जोडिएका स्थानीयवासीहरुलाई आयआर्जनका कार्यक्रममा सहभागि गराएको छ । जसले गर्दा मानिसहरु घरकै काममा व्यस्त रहने र वन क्षेत्रको तिक्रमण रोकिने लक्ष्या दिइएको छ । संरक्षण संघले रेसुङ्गा नगरपालिकाको पराल्मी र भाडागाउँ गुल्मी…

बच्चालाई शिक्षाको तनाव, युवालाई जागिरको । बुढेसकालमा स्वास्थ्य सम्बन्धी समस्या । अहिले आम मान्छेलाई थुप्रै समस्याले तनाव बढाइरहेको छ । यो परिवेश बीच विभिन्न वैज्ञानिक अनुसन्धानले खानपानबाट तनाव गर्न सकिने तथ्य प्रमाणित गरेको छ । तनावकम गरी मन शान्त बनाउने केही खानेकुराबारे पोषणविद् सुवर्ण गुरागाईंको टिप्स यस्तो छ । दही:दही खानाले तनावकम हुन्छ र दिमाग शान्त रहन्छ । दहीमा भएको माइक्रो बैक्टेरियाले चिन्ता र तनाव कमगर्न मद्दत गर्दछ । डार्क चकलेट:डार्क चकलेटको सेवनले व्यक्तिलाई तनाव, चिन्ता र उदासी कमगर्न मद्दत गर्दछ । चकलेटमा एन्टि अक्सिडेन्टहरूले मस्तिष्कको कार्य सुधार गर्दछ । यसले रक्त सञ्चारमा पनि सुधार गर्दछ । ग्रिन टी: हरियो…

पौष ०७,काठमाडौ :यातायात कार्यालयका कर्मचारी र दलालहरुको सेटिङमा हप्ता दस दिनमै सवारी चालक अनुमति पको ट्रायलको व्यवस्था मिलाउने गतिविधि भइरहेको पाइएको छ । अनलाइनबाट अनलाइन फाराम भर्दा १ बर्षपछि पालो आइरहेको अवस्थामा दलालहरुले यस्तो धन्दा चलाएको खुलसा भएको छ । लामो समयदेखि यातायात कार्यालयमा सेटिङ जमाउँदै यसरी पैसा कमाउदै चलखेल गरिएको पाइएको छ । सेवाग्राहीको धेरै भिडभाड हुने सरकारी कार्यालयमध्ये यातायात कार्यालय एक हो । यहीँ सबैभन्दा धेरै घुस लेनेदन हुने गरेको छ । लाइसेन्स तथा सवारीको नवीकरणदेखि लाइसेन्स छपाइका काममा समेत भ्रष्टाचार हुँदै आएको अख्तियार दुरुपयोग अनुसन्धान आयोगले जनाएको छ । लाइसेन्सको परीक्षामा फेल भएकालाई पास गराइदिने भन्दै उनले घुस लिएकाहरु पनि…