कृष्ण पोखरेल/तानसेन ८ श्रावण – बागलुङको बुर्तिबाङ्गबाट बुटवल तर्फ हिडेको लु १ ख ५९५२ नम्वरको बस रिव्दीकोट गाउँपालिका वडा नंं २ लघुवा पाल्पामा दुर्घटना भएको छ । अपरान्ह साढे ४ बजेको समयमा दुर्घटना भएको बस सडक बाट करीव १ सय मिटर तल खसेको पाल्पा प्रहरीले जनाएको छ । अहिले घटनास्थलमा जिल्ला बाट खटिएको प्रहरी, हार्थाेक र अर्गली प्रहरी चौकी बाट खटिएको प्रहरी र स्थानीयवासीहरु उद्धारामा जुटेका छन ।
बस सडको डिल भासिएर दुर्घटना भएको स्थानीयवासी विश्व कार्कीले बताए । घटनास्थलमा घाइतेहरुको उद्धार गरी अस्पताल पठाउने काम भईरहेको र घटनास्थमा खोजी कार्यभईरहेको जिल्ला प्रहरी कार्यालय पाल्पाका सूचना अधिकारी विरेन्द्र थापाले बताए ।
घटनास्थलमा केही व्यक्तिको मृत्यु भएको स्थानीयवासीले बताए पनि प्रहरीले घटनाको पुष्टि गरेको छैन । थप विवरण आउन बाकी रहेको छ ।
