मुसिकोट । गुल्मीको मुसिकोट बिसौनाका बिष्णु विक र हुकुम वि.क. को घर पहिरोले बगाउँदा ४ जनाको मृत्यु भएको छ । गएरातीदेखिको अविरल वर्षाका कारण मुसिकोट नगरपालिका वडा नं १ बिसौनाका बिष्णु र हुकुमको घर पहिरोले बगाएको हो ।
पहिरोमा परि २ जनाघाइते भएको पौदी अमराई प्रहरी चौकीले बताएको छ । उद्दार गरी उपचारका लागि अस्पताल लगिएको छ ।
गएरातीदेखिको अविरल वर्षा भइरहेको छ । वर्षाका कारण देशका विभिन्न स्थानमा क्षती पुर्याएको छ भने सडक सन्जालहरु पनि अवरुद्ध भएका छन् । मौसमविदका अनुसार भोलिसम्म मौसम यस्तै रहनु पूर्वानुमान रहेको छ ।
