गुल्मीमा ११ वर्षीया बालिकालाई बलात्कार गरेको आरोपमा एक ब्यक्ति पक्राउ

साउन ११, गुल्मी-  गुल्मीमा ११ वर्षीया बालिका बलात्कृत भएकी छन्।बालिकालाई बलात्कार गरेको आरोपमा प्रहरीले इस्मा गाउँपालिका-४ कुबिन्डे बस्ने ४० वर्षीय भुपाल अधिकारीलाई मंगलबार राति पक्राउ गरेको छ।

अधिकारीले ती बालिकालाई ललाई फकाई सोही ठाउँ स्थित खरबारीमा लगेर बलात्कार गरेको प्रहरीले जनाएको छ।

बलात्कारको खबर प्राप्त हुनासाथ प्रहरी चौकी इस्माबाट खटिएको प्रहरीले उनलाई पक्राउ गरेको हो।घटनाका सम्बन्धमा प्रहरीले आवश्यक अनुसन्धान गरिरहेको छ।