गुल्मी/ मगरहरुको विशेष पर्वको रुपमा मनाईने माघे सक्रातिको अवसरमा मनाइदै आइरहेको माघि मेला यस वर्ष पनि गुल्मी ईश्माको छल्दीमा मनाइने भएको छ ।
ईस्मा गाउँपालिका-२, मा अवस्थित सुन्दर र रमणीय स्थल छल्दी फाटमा हुने महोत्सवमा भलिवल, विभिन्न स्थानिय झाँकी, ताल्तुङे चर्चित भैलो, रेकर्ड डान्स तथा चर्चित लोक तथा दोहोरी गायिका सम्झना रणपाल, कलाकार हरी खत्री लगाएतको अन्य कलाकारहरुको वेजोड प्रस्तुती रहने कार्यक्रम संयोजक तथा अध्यक्ष टामलाल के.सी. ले बताउनु भयो ।
शिवालय मन्दिर ब्यबस्थापन समितिको आयोजनामा आयोजित कार्यक्रममा पुरुष भलिवल तर्फ प्रथम पुरस्कार रु ३०,०००/- मेडल र प्रमाणपत्र र द्दितिय पुरस्कार रु २०,०००/- मेडल र प्रमाणपत्र रहेको खेल संयोजक कृष्ण प्रसाद श्रेष्ठले बताउनु भयो ।
खेलाडीलाई प्रोत्साहन गर्ने र स्थानिय संकृतिको जगेर्ना गर्ने मुल उदेश्यले मेला संचालन गर्न लागिएको ईस्मा गाउँपालिका-२ का वडा अध्यक्ष लोक नाथ आचार्यले बताउनु भयो ।
कार्यक्रम भब्य सफल बनाउन सबैले आफ्नो आफ्नो ठाउँबाट सहयोगको लागि समेत आयोजकले अनुरोध गरेको छ ।
