गुल्मी, मुसिकोट ।
गुल्मी मुसिकोट उद्योग वाणिज्य संघ मुसिकोटको आयोजनामा पौष १२ देखि २१ गतेसम्म हुने दोस्रो मुसिकोट कृषि, पर्यटन, खेलकुद, साँस्कृतिक एवं व्यापार मेला २०८१ मा अत्याधिक राशिको खुल्ला पुरुष भलिबल प्रतियोगिता हुने भएको छ ।
राष्ट्रिय खेल भलिबलको बिकास र राष्ट्रिय खेलाडी भित्राउने उदेश्यले खुल्ला भलिवल प्रतियोगिता आयोजना गरिएको खेल संयोजक लक्ष्मण फुल्लेलले बताए ।
खेलमा प्रथम पुरस्कार रु २,०१,००० नगद कप मेड्ल र प्रमाणपत्र , द्दितिय पुरस्कार रु १,०१,००० नगद कप मेडल र प्रमाणपत्र, तृतिय पुरस्कार ५१,००० नगद कप मेडल र प्रमाणपत्र, सान्तवना पुरस्कार २५,००० नगद कप मेडल र प्रमाणपत्र साथै बिधागत तर्फ सबै बिधामा उकृष्ट पुरस्कारको व्यवस्था गरिएको महोत्सव प्रचार प्रसार बिभाग प्रमुख वसन्त अधिकारीले बताए ।
