बुटवल–पाल्पा सडक खण्डको दोभान स्थित हेडबक्स नजिकबाट स्कार्पियो तिनाउ नदीमा खसेको छ। सिद्धार्थ राजमार्गको तिनाउ गाँउपालिका ३ दोभान हेडबक्सनजिकबाट स्कार्पियो तिनाउ नदीमा खस्दा ४ जना घाइते भएका छन्।पाल्पाबाट बुटवलतर्फ आइरहेको बा १८ च ७३३६ नम्बरको स्कार्पियो तिनाउमा खसेको दोभान प्रहरीले जनाएको छ।
सडकमा गुडिरहेको बोलेरोलाई माथिबाट खसेको पहिरो सहितको ढुंगाले लाग्दा खोलामा खसेको प्रहरीले जनाएको छ।दुर्घटनामा परि तिनाउ ३ झुम्साका ५४ बर्षिय बाबुराम पाण्डेय, २२ बर्षिय बिनोद पाण्डेय, १८ बर्षिय अमित बस्याल र ४२ बर्षिय गंगा दराइ घाइते छन्। उनीहरु मध्ये बाबुराम पाण्डेयको अवस्था गम्भीर रहेको प्रहरीले जनाएको छ। घाइते चारै जनाको बुटवल स्थित लुम्बिनी प्रादेशिक अस्पतालमा उपचार भइरहेको छ।स्रोत :खबरपात्रो
