पाल्पामा सरुवा भई आउनु भएका प्रमुख जिल्ला अधिकारी जगन्नाथ पन्तलाई स्वागत

सुनिल कार्की / कार्तिक ०६ पाल्पा / छड्के न्युजडटकम-
पाल्पामा सरुवा भई आउनु भएका प्रमुख जिल्ला अधिकारी जगन्नाथ पन्तलाई स्वागत गरिएको छ । केही दिन अघि मात्र जिल्लामा सरुवा भई आउनु भएका पन्तलाई जिल्लाका उद्योगि ब्यवसायिको छाता संगठन पाल्पा उद्योग वाणिज्य संघले स्वागत गरेको हो ।

जिल्लामा रहेर व्यापार,ब्यवसाय गर्दै आएका उद्योगि ब्यवसायिको समस्या र उद्योग वाणिज्य संघ पाल्पाका गतिविधि,बजारको अवस्था बारे जानकारी दिने उद्धेश्यले कार्यक्रम आयोजना गरिएको पाल्पा उद्योग वाणिज्य महासंघ पाल्पाका महासचिव शैलेन्द्र भट्टराईले जानकारी दिनुभयो ।

कार्यक्रममा प्रमुख जिल्ला अधिकारी पन्तले एक अर्कालाई सहयोग गरेर समन्वयका साथ अघि बढ्न आवश्यक रहेको बताउनु भएको थियो । उद्योग वाणिज्य महासंघ पाल्पाको कार्यालय भगवती मन्दिरमा आयोजित कार्यक्रममा प्रमुख जिल्ला अधिकारी पन्तलाई पाल्पाली ढाका र खादा सहित स्वागत गरिएको थियो ।

स्वागत कार्यक्रममा पाल्पा उद्योग वाणिज्य महासंघ पाल्पाका अध्यक्ष राजु महर्जन,पुर्व अध्यक्ष हरि रायमाझि,महासचिव शैलेन्द्र भट्टराई,वाणिज्य उपाध्यक्ष यादव सिंह कार्की,उद्योग उपाध्यक्ष भिम बहादुर श्रेष्ठ,सल्लाहकार समितिका सदस्य सन्तोषलाल श्रेष्ठ,टंक भटराई ,सचिव श्री प्रकाश ढुङगाना, कार्य समिति सदस्य, आमन्त्रीत सदस्य, उपसमिति संयोजक लगायतको सहभागिता रहेको थियो ।