जेठ ०२, गुल्मी – नेकपा एमाले पार्टी सचीव तथा गुल्मी क्षेत्र नम्बर २ का सांसद गोकर्णराज बिष्टको जन्मथलो इश्मा गाउँपालिका अध्यक्ष र उपाध्यक्षमा नेपाली काङ्ग्रेस बिजयी भएको छ । गाउँपालिका अध्यक्षमा कांग्रेसका भगतसिंह खड्का ५ हजार ५८९ मत ल्याएर बिजयी भएका छन् ।
उनका प्रतिद्वन्दी नेकपा एमालेका हिरा बहादुर अर्यालले ५ हजार ४६४ मत ल्याएर गाउँपालिका अध्यक्षमा पराजित भएका छन् । उपाध्यक्षमा नेपाली काङ्ग्रेसकि पार्वती कुँवरले ५ हजार ९०९ मत ल्याएर उपाध्यक्षमा बिजयी भएको निर्वाचन अधिकृत लेखनाथ ज्ञवालीले बताए । उपाध्यक्षमा एमालेकै बिमला खत्रीले ५ हजार १२१ मत पाएकी छन् । गाउँपालिकामा रहेका ६ वटा वडाहरु मध्ये ४ वटा वडामा नेपाली कांग्रेस र २ वटा वडामा नेकपा एमालेले जितेको छ ।
