बसन्त अधिकारी / मंसिर ०९, गुल्मी – नेपाली काङ्ग्रेसका महामन्त्री गगन थापाले दल खोलेर चुनाब लड्न राजालाइ आग्रह गरेका छन । गुल्मी काङ्ग्रेसको दोस्रो जिल्ला सम्मेलनको उद्वघाटन गर्दै महामन्त्री यस्तो आग्रह गरेका हुन् ।
पुराना राजनितिक दलले देश लुटे राजा आउ देश बचाउ भन्नेहरुलाइ नेता थापाले चोटिलो जवाफ दिए। गणतन्त्र भएकै कारण राजा ल्याउछौ भनेर बोल्न पाएकोमा गर्व गर्न आग्रह गर्दै राजाबादीहरुलाइ चुनाबमा आउन ठाडो चुनौती दिएका हुन् ।
राजतन्त्र र गणतन्त्रको फरक बताउदै गुल्मेलीहरु अप्ठ्यारो पर्दा सधै मियो बनेर सतिसालझै उभिएको र देश दुर्घटनामा पर्न थाले फेरि पनि अगाडी बढ्न आग्रह समेत गरे ।
चितवन,नवलपुर, अर्घाखाँची हुँदै गुल्मी आउदै गर्दा सबै जसो जनताको गुनासो गणतन्त्र आएर के भयो भन्ने रहेकोले हामी नेताले यसमा ध्यान दिनुपर्ने बताउदै,उनले कार्यक्रममा डा. चन्द्र भण्डारीको खुलेर प्रशंसा गरे, नेता गगनले भने “चन्द्र दाइको दुर्घटना हुँदा फर्केर आउनुहुन्छ भन्ने लागेकै थिएन अब त झन बलियो भएर आउनु भएको छ जसरी आफ्नो घाउमा नेपाली जनताले मलम लगाए अब चन्द्र दाइले हरेक नेपालीको दुखमा मलम लगाउनु हुनेछ ।”नेता गगनले गुल्मेली जनता र गुल्मीको सौदर्यको खुलेर प्रशंसा समेत गरे ।
