बसन्त अधिकारी
मंसिर-१२, गुल्मी
दर्शन ठकुरी समाज गुल्मीले आज एक कार्यक्रमका साथ जेष्ठ नागरिक तथा जनप्रतिनिधि सम्मान गरेको छ ।
दर्शन ठकुरी समाजको १२औ स्थापना दिवसको अवसरमा इश्मा गापा २ रातडाडामा सम्पन्न कार्यक्रममा सस्थापक अध्यक्ष, जिल्लाभरीका दर्शन समाजका जनप्रतिनिधी र जेष्ठ नागरिकलाई सम्मान गरिएको दर्शन ठकुरी समाज गुल्मीका महासचिव देविन्द्र मल्लले जानकारी दिनुभएको छ ।
अधिवेशन पछिको पहिलो विस्तारित बैठकका रुपमा आयोजित कार्यक्रममा अन्य सस्थाका महत्त्वपूर्ण निर्णय समेत गरेको वरिष्ठ उपाध्यक्ष नरसिंह शाहीले बताउनु भयो ।
सस्थापक अध्यक्ष मुसिकोट ३ निवासी पदम बहादुर सिंह, जेष्ठ नागरिक इश्मा २ निवासी गर्वु मल्ल, जनप्रतिनिधि कालिगण्डकी ७ निवासी वडा सदस्य बिशन शाह, सत्यवती ४ निवासी वडा सदस्य नरसिंह शाही, रुरु क्षेत्र ४ निवासी कार्यपालिका सदस्य राज कुमारी शाही र सत्यवती ७ निवासी वडा सदस्य डम्बर बहादुर शाहीलाइ सम्मान गरिएको दर्शन ठकुरी समाज गुल्मीका अध्यक्ष राम मल्ल ठकुरीले बताउनु भयो ।
दर्शन ठकुरी समाज गुल्मीका अध्यक्ष राम मल्ल ठकुरीको अध्यक्षता, वरिष्ठ उपाध्यक्ष नरसिंह शाहीको स्वागत मन्तब्य तथा महासचिव देविन्द्र मल्लको सन्चालनमा सम्पन्न कार्यक्रममा सस्थापक अध्यक्ष, सल्लाहकार, जिल्लाका पदाधिकारी तथा सदस्यहरू, गाउँ इकाईका अध्यक्षहरु लगाएत ६० जना भन्दा बढिको उपस्थित रहेको दर्शन ठकुरी समाज गुल्मीका सह-कोषाध्यक्ष सुमेन्द्र सिंह ठकुरीले बताउनु भएको छ ।
