गुल्मी/ अखिल नेपाल महिला संघ मुसिकोटको दोस्रो अधिवेशन आज मुसिकोटको वामी टक्सारमा सम्पन्न भएको छ ।
नेकपा एमालेमा आस्थावान महिलाहरुको भेलाले आज साबित्रा विष्ट घिमिरेको अध्यक्षतामा ४१ सदस्यीय अनेम संघ मुसिकोट गठन गरेको छ जसको उपाध्यक्षमा बाल कुमारी राकसकोटी, सचिब सम्झना खत्री, उपसचिव समीक्षा सिंह ठकुरी, कोषाध्यक्ष ईश्वरा गिरी चयन हुनु भएको छ ।
प्रमुख वक्ताको रुपमा बोल्दै नेकपा एमालेका केन्द्रिय सदस्य गणेश खनालले महिलाको सक्षम नेतृत्वले मात्र मुलुकलाइ सहि दिशामा लैजाने निश्चित देखिएकोले हरेक घर घरबाट महिला अग्रसर हुनु पर्नेमा जोड दिनुभयो साथै एमालेको मार्ग दर्शन सिद्धान्तमा टेकेर इमान्दारीतापुर्वक जनताको हरेक अप्ठ्यारोमा उभिन अनेम संघमा आवद्ध महिलाहरुलाइ अनुरोध समेत गर्नु भएको छ ।
अनेम संघ गुल्मीका अध्यक्ष सपना पन्थीको प्रमुख आतिथ्यता, नगर अध्यक्ष गगा श्रेष्ठको अध्यक्षता र सावित्रा विष्ट घिमिरेको संचालनमा संचालित कार्यक्रममा मुसिकोटका १०० भन्दा बढी महिलाहरुको उपस्थित रहेको नव निर्वाचित अध्यक्ष साबित्रा विष्ट घिमिरेले बताउनु भयो ।
