साउन ३०, रोल्पा – रोल्पामा एम्बुलेन्स दुर्घटना हुँदा १ जनाको मृत्यु भएको छ । माडी गाउँपालिका २ घर्तिगाउँमा भएको एम्बुलेन्स दुर्घटनामा एम्वुलेन्स चालकको मृत्यु भएको रोल्पा प्रहरीले जनाएको छ । भैरहवाबाट कोर्चवाङ शव पुराएर फर्कने बेला दुर्घटना भएको हो । दुर्घटनामा एक जना घाइते भएका छन् । एम्बुलेन्स सडकबाट झण्डै ६ सय मिटर तल खसेको प्रहरीले जानकारी दिएको छ ।
माडी गाउपालिका वडा नं २ खोलवाङमा आज बिहान साढे ३ बजेतिर स्मृति अस्पताल प्रा।लिको एम्बुलेन्स दुर्घटना हुँदा चालकको मृत्यु भएको हो । चालक माडी ६ कोर्चवाङका रहेको इलाका प्रहरी कार्यालय घर्तिगाउँले जनाएको छ ।
