गुल्मीको धुर्कोट गाउँपालिका -५ वस्तुमा घाईते अवस्थामा भेटिएको चितुवाको उद्धार गरिएको छ ।
हिजो अर्थात (शुक्रबार) देखी वस्तु नजिकै बसिरहेको चितुवाको आज जिल्ला बन कार्यालय गुल्मीका कार्यालय प्रमुख प्रभात सापकोटा सहितको टोलीले सोही स्थान बाट चितुवाको उद्धार गरेको हो । १ .५ मिटर लम्वाई, ६० सेमि उचाई रहेको चितुवा बुढो उमेर भएको अनुमान गरिएको छ ।
शरीरका विभिन्न भागमा चोटपटक लागेको चितुवाको अवस्था नाजुक रहेको इस्मा धुर्कोट सब डिभिजन बन कार्यालयका बलराम अर्यालले बताए । अहिले चितुवालाई जिल्ला बन कार्यालय गुल्मीको उपचार केन्द्रमा राखी उपचार सुरु गरिएको सुचना अधिकारी राम बहादुर घलानले बताए ।
साभार : गुल्मी उपडेट
