काठमाडौ – सरकारले देशका विभिन्न ठाँउको भाडादर निर्धारण गरेको छ । सरकारले असोज ११ गतेदेखि अग्रिम टिकट बुकिङ खुला गर्ने निर्णय गर्दै भाडादर तोकको हो । यातायात व्यवस्था विभागले बिहीबार यातायात व्यवसायी , उपभोक्ता अधिकारकर्मी र ट्राफिक प्रहरीसँगको छलफलपछि असोज ११ गतेदेखि लामो दूरी चल्ने सवारीसाधनको अग्रिम टिकट बुकिङ खुलाउने निर्णय गरेको हो ।
सरकारले गत असारदेखि सार्वजनिक सवारीको भाडा समायोजन गरेको छ । यात्रुवाहक सवारीको भाडा २८ प्रतिशतले बढाइएको भए पनि अन्तर प्रदेशको भाडा समायोजन लागू हुन सकेको छैन ।
व्यवसायीहरुले भाडा समायोजन तत्काल कार्यान्वयनमा आउनुपर्ने माग राख्दै आएका छन् । यातायात व्यवस्था विभागले २०६५ मा बनाएको वैज्ञानिक भाडा समायोजनको मापदण्ड अनुसार भाडा समायोजन गर्दै आएको छ ।
