जीजन कैला/बाजुरा, १५ असाेज–नेपाली कांग्रेस बाजुराका कार्यकर्ताले नेपाल रेडक्रस सोसाईटी बाजुराको एम्बुलेन्स ताेडफाेड गरेका छन् ।कांग्रेस बाजुराको जिल्ला अधिवेशनमा प्रदेश (ख) मा निर्वाचनकाे मतगणना स्थल बनाएको बडिमालिका नगरपालिकाको गेटभित्र राखिएको एम्बुलेन्समाथि ताेडफाेड भएकाे हाे । जिल्ला प्रहरी कार्यालय बाजुराका अनुसार कांग्रेस कार्यकर्ताले एम्बुलेन्सकाे अगाडिको सीसा फुटाइदिएका हुन् । घटना बिहीबार राति भएकाे हाे ।
एम्बुलेन्स भारतीय दुतावासको सहयोगमा नेपाल रेडक्रस सोसाइटी उपशाखा बाजुराले सञ्चालन गरिरहेकाे थियाे । मर्मत गरेर ल्याइएको एम्बुलेन्समा ताेडफाेड भइकाे रेडक्रस बाजुराका सभापति रमबहादुर शाहीले बताए ।
