बासुदेब पोखरेल / पौष ०७ गुल्मी : नेपाली कांग्रेस वडा कार्य समिति धुर्कोट गाउँपालिका वडा न. २ पिपलधाराको आयोजना स्वागत तथा सम्मान कार्यक्रम कार्यक्रम गरिएको छ । कार्यक्रम पिपलधाराको कटौंजेमा भएको हो । कार्यक्रममा नेपाली कांग्रेस गुल्मीका सभापति खिलध्वज पन्थीको प्रमुख आतिथ्यता रहेको थियो ।
कार्यक्रमका प्रमुख अतिथि तथा नेपाली काँग्रेस गुल्मीका सभापति खिलध्वज पन्थीले सबल र सक्षम पार्टी बनाउन सबै लाग्नुपर्ने बताए । एकताबद्ध कांग्रेस निर्माण गर्नु अहिलेको आवश्यकता रहेको भन्दै सभापति पन्थीले पार्टीलाई चुस्त दुरुस्त बनाउनका लागि हामी सबै एकढिक्का हुनुपर्ने बेला आएको बताए ।
सबल वडा र सक्षम टोल भएमा मात्र गुल्मी जिल्लामा कांग्रेस पार्टी पहिलो बन्ने भएकोले टोल समिति गठन गरिएको पन्थीले बताएका थिए । लोकप्रिय पार्टी बनाउन सबै पार्टीको लागि टोल समिती अत्यन्तै महत्वपूर्ण रहेको भन्दै उनले कर्मको आधारमा पार्टीका साथीहरूको मूल्याकंन हुने भएकोले सबैलाई कर्ममा लाग्न आग्रह गरे ।
पार्टीले सबै समुदायलाई एकताबद्ध बनाएर अगाडी बढेको उनको भनाई थियो । कार्यक्रम वडा सभापति घन बहादुर खड्काको सभापतित्वमा सुरु भएको कार्यक्रममा वडाका उपसभापति विष्णु थापको स्वागत मन्तव्य रहेको कार्यक्रमको वडासचिव कृष्ण केसीले कार्यक्रम संचालन गरेका थिए ।
