दैलेख आठवीसकोटमा बस दुर्घटना हुँदा ३ जनाको मृत्यु

जेठ १२, दैलेख- मुगुदेखि नेपालगञ्जका लागि छुटेको यात्रुवाहक बस दैलेखको आठवीसकोटमा दुर्घटनामा परेको छ ।

म १ ख ६६० नम्बरको बस आठबीस नगरपालिका-२, सिस्नेमा दुर्घटना हुँदा ३ जनाको घटनास्थलमै मृत्यु हुनुका साथै ३४ जना घाइते भएको जिल्ला प्रहरी कार्यालय दैलेखले जनाएको छ ।

दैलेखका प्रहरी प्रमुख (डीएसपी) भुवनेश्वरप्रसाद साहले बस करिब ८बजे रात्री सडकबाट ५० मिटर तल खसेर दुर्घटना भएको बताउनुभयो । उहाँले बसमा ३५ जना सवार रहेकोमा ३ बालबालिका, ४ महिला र २८ जना पुरुष सवार रहेको जनाउनुभयो ।