गुल्मी – गुल्मीमा भीरबाट लडेर एक जनाकाे मृत्युु भएको छ । जिल्लाकाे धुर्काेट गाउँपालिका -२ पिपलधाराकी ५२ बर्षिया शिवकला खनालकाे मृत्युु भएको हाे । मंगलबार दिउँसो घर नजिकै घाँस काट्न गएकी उनी भीरबाट लडेकि थिइन् ।
घाइते खनाललाई स्थानीयले देखेर उद्वार गरेकाे केही समयमै उनकाे ज्यान गएको प्रहरीले जनाएको छ । खनाल भीरबाट करिब दुई सय मिटर तल खसेकी थिइन् । शवलाई अहिले पाेष्ट मार्टमकाे लागि गुल्मी अस्पताल ल्याउदै गरेकाे प्रहरी उपरिक्षक अर्जुन रानाभाटले जानकारी दिए ।