गुल्मी/ मुसिकोटका विभिन्न विद्यालयमा विद्यार्थीको आँखा परिक्षण कार्यक्रम गरिएको छ ।
श्री कृष्णहरी सापकोटा आँखा उपचार केन्द्र, वामीटक्सार गुक्मीको विद्यालय विद्यार्थी आँखा जाँच कार्यक्रम अन्तर्गत मुसिकोटका विभिन्न विद्यालयका विद्यार्थीको आँखा को दृष्टि परिक्षण गरिएको हो ।
आज आइतबार मुसिकोट ३ मा अवस्थित बडागाउ ज्ञानकुन्ज बोर्डिङ स्कुलका १५३ जना बच्चाको आँखा परिक्षण गरिएको स्कुलका प्रधानध्यापक वसन्त अधिकारीले जानकारी दिनुभयो ।
धेरै जसो बच्चाको आँखा नर्मल रहेको र आँखा कमजोर भै चस्मा प्रयोग गर्नुपर्ने भएमा विद्यार्थीलाई उपचार केन्द्रमा बोलाएर पुन चेक गरि निशुल्क चश्मा उपलब्ध गराएको बच्चाको आँखा परिक्षणमा फिल्डमै खटिनुभएको श्री कृष्णहरी सापकोटा आँखा उपचार केन्द्रका अफथाल्मिक टेक्निसियन दिपेन्द्र ज्ञवालीले बताउनुभयो ।
मुसिकोट नगरपालिकाका सबै स्कुलमा पुगेर आँखा परिक्षण गर्ने लक्ष्य सहित अघि बढेको उपचार केन्द्रका प्रमुख अनिसा आचार्यले जानकारी गराउनु भयो ।
