कुक भिषामा जापान गएका गुल्मीका एक युवाको मृत्यु मंगलबार मृत्यु भएको छ । मुसिकोट नगरपालिका वार्ड ९ डाँसिकोट घर भई जापानको ओसाकामा कुकको रुपमा कार्यरत नारायण बहादुर खत्रीको मंगलबार मृत्यु भएको हो ।३६ वर्षीय खत्रीको उपचारका क्रममा मंगलबार बिहान मृत्यु भएको हो ।
मृतक खत्री श्रीमती सहित जापान बस्दै आएको पारिवारिक स्रोतले बताएको छ । श्रीमती जापान आएको पनि एक वर्ष पनि पुगेको छैन ।करिब २ वर्ष अघिमात्र जापान पुगेका खत्री लामो समयदेखि मुटुसम्बन्धी बिरामी रहेको र सो रोगको उपचारकै क्रममै उनको अस्पतालमा मृत्यु भएको हो ।खत्रीको घरमा वृद्ध बुवा आमा र एक छोरा एक छोरी रहेका छन । खत्रीको आज १९ तारिख बिहिबार जापानमै अन्तिम संस्कार गरिने पारिवारिक स्रोतले जनाएको छ । साभार :गुल्मीन्युज
