गुल्मी, १४ बैशाख । गुल्मीमा मोटरसाइकल दुर्घटना हुँदा एक जनाको ज्यान गएको छ । गएराति गुल्मी गुल्मीदरवार गाउँपालिका -३ म्यालपोखरी स्थित रिडि तम्घास सडकखण्डमा गौडाकोट देखि बिरवास तर्फ जाँदै गरेको लु ३५ प ५४८४ नम्बरको १५० सिसिको पल्सर मोटर साइकल आफै अनियन्त्रित भई बाटो देखि करिब ३० मिटर तल खस्न गई दुर्घटना भएको थियो ।
दुर्घटनामा घाइते सोही पालिकाको वडा नम्बर -३ राजा बस्ने २९ वर्षीय अनिलराज घर्तीको ज्यान गएको हो । दुर्घटनामा परि घर्तीको टाउकोमा चोट, कान र नाकबाट रगत बगेको गम्भीर अवस्थामा उपचारको लागी जिल्ला अस्पताल तम्घासमा ल्याएकोमा डाक्टरले मृत घोषणा गरेको थियोे । शब जिल्ला अस्पताल तम्घासको शवगृहमा रहेको छ ।
घाईते अर्का एक जनाको भने उपचार भइरहेको छ । गुल्मीदरवार गाउँपालिका ४ भट्टेचौर बस्ने अन्दाजी ३१ वर्षिय यम बहादु, सूर्यवंशीको उपचार भइरहेको छ । उनको बाँया खुट्टामा चोट लागेको छ । अवस्था भने मध्यम, रहको र अहिले मिसन अस्पताल पाल्पामा उपचार भइरहेको जिल्ला प्रहरी कार्यालय गुल्मीले जनाएको छ । रेडियो रेसुङा
